លឿនឡើង! ក្រសួងផែនការ ប្រកាសរើសមន្រ្តីថ្មីបន្ថែមសម្រាប់ឆ្នាំ ២០១៧

2017-04-07 00:57:47
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់ឆ្នាំ ២០១៧ នេះ ក្រសួងផែនការបានចេញសេចក្ដីជូនដំណឹងមួយស្ដីពីការប្រឡងជ្រើសរើសមន្ត្រីថ្មីបន្ថែមឲ្យចូលបម្រើការងារក្នុងក្របខ័ណ្ឌក្រសួង។ ដោយជ្រើសយកមន្ត្រីនៅថ្នាក់កណ្ដាលចំនួន ២១ នាក់ និង មន្ត្រីនៅមន្ទីរផែនការរាជធានីភ្នំពេញ ចំនួន ១៥ នាក់។ ក្នុងនោះក្រសួងក៏បានលើកទឹកចិត្តចំពោះនារី និង ជនពិការផងដែរ សម្រាប់ការដាក់ពាក្យប្រឡងនេះ។

ចំពោះ អ្នកដែលមានចំណាប់អារម្មណ៍ អាចមកសុំពាក្យប្រឡងបាននៅ "មជ្ឈមណ្ឌលបណ្ដុះបណ្ដាលផែនការស្ថិតិ" ដែលមានទីតាំងនៅផ្លូវលេខ៥៩៨ ខាងជើងស្នងការដ្ឋាននគរបាលរាជធានីភ្នំពេញ ប្រមាណ ៥០០ ម៉ែត្រចាប់ពីថ្ងៃផ្សាយដំណឹងនេះតទៅ។ ឈប់ទទួលពាក្យនៅ ថ្ងៃទី ២៤ ខែមេសា ឆ្នាំ២០១៧ ចំណែកឯការប្រឡងវិញនឹងធ្វើឡើងនៅថ្ងៃទី៣០ ខែមេសា ឆ្នាំ២០១៧ខាងមុខ។