៣ម៉ូដពី Rolex ក្នុងឆ្នាំ២០១៧! ម៉ូដមួយណាដែលអ្នកចូលចិត្ត?
- 2017-07-16 05:24:54
- ចំនួនមតិ 0 | ចំនួនចែករំលែក 0
៣ម៉ូដពី Rolex ក្នុងឆ្នាំ២០១៧! ម៉ូដមួយណាដែលអ្នកចូលចិត្ត?
ចន្លោះមិនឃើញ
នាឡិកាម៉ាក Rolex ជាម៉ាកមួយដែលមានភាពល្បីរន្ទឺទាំងគុណភាព ភាពសង្ហាទាក់ទាញ និងតម្លៃ។ ម៉ាកនេះបានបង្កើតឡើងជារូបរាងដំបូងនៅឆ្នាំ១៩០៥ នៅទីក្រុងឡុង ចក្រភពអង់គ្លេស។ បន្ទាប់មកទីតាំងផលិតប្តូរទៅប្រទេសស្វីសវិញនៅឆ្នាំ១៩១៩។ ហើយមកដល់ឆ្នាំ២០១៧នេះ នាឡិកាម៉ាក Rolex ក៏នៅរក្សាតំណែងខ្ពស់ក្នុងទីផ្សារពិភពលោកបានដដែល។
The Sea-Dweller
នេះជានាឡិកាសម្រាប់អ្នកមុជទឹកជំនាន់ចុងក្រោយបង្អស់ ដែលនាឡិកាប្រភេទនេះលេចចេញជារូបរាងតាំងពី៥០ឆ្នាំមុនម៉្លេះ។ វាមានមុខកាត់៤៣ម.ម ប្រភេទកញ្ចក់៣២៣៥។ ដើម្បីឲ្សស្រួលក្នុងការមើលថ្ងៃ Rolex បានរចនាកញ្ចក់ប៉ោងឡើងនៅត្រង់ចំនុចម៉ោង៣។ ហើយរាល់ការតុបតែងនាឡិកាប្រភេទនេះ គឺសំដៅជាពិសេសលើមុខងារការពារជំរាបទឹក។
Oyster Perpetual Yacht-Master II
សម្រាប់អ្នកចូលចិត្តកីឡានៅនឹងសមុទ្រគឺត្រូវតែម្តង ព្រោះនាឡិកានេះ គឺផ្តោតសំខាន់ទៅលើរូបរាងដ៏ទាក់ទាញ និងត្រូវជាមួយបរិយាកាសបែបនេះឯង។ វាជួយសម្រួលក្នុងការមើលម៉ោង ដែលត្រង់ម៉ោង១២ វាមានចំនុចដៅរាងត្រីកោណ និងម៉ោង៦ចំនុចនៅមានរាងចតុកោណកែង។ ទ្រនិចម៉ោង និងទ្រនិចនាទីបែងចែកពីគ្នាបានយ៉ាងល្អ។ មុខងារពិសេសរបស់នាឡិកានេះ គឺវាអាចរាប់ថយក្រោយបានពីរយៈពេលពី១ទៅ១០នាទី។
Oyster Perpetual Cosmograph Daytona
នាឡិកាម៉ាកនេះ វាឈរនៅជួរមុខគេដោយសារតែរូបរាងសង្ហាគ្មានគូប្រៀបរបស់វា។ ផ្ទៃនៃមុខនាឡិកាធ្វើពីមាស ឬប្លាទីនស រំលេចដោយសេរ៉ាមិចពណ៌ខ្មៅ ដែលសមត្ថភាពពិសេសរបស់វា គឺមិនហើរពណ៌ មិនឆ្កូត និងទប់ទល់នឹងកាំរស្មី UV បានយ៉ាងល្អ។ មុខងារពិសេសរបស់វា គឺវាជានាឡិកាកីឡា ហើយនឹងជាមិត្តដ៏ល្អសំរាប់អ្នកចូលចិត្តលេងកីឡា។
បញ្ជាក់៖ គ្រប់នាឡិកាទាំង៣ប្រភេទមានពណ៌ផ្សេងៗដែលជាជម្រើសរបស់អ្នកចូលចិត្ត។
ប្រភព៖ Rolex ប្រែសម្រួល៖ chanvutha yin