អ្នកទៅទួលគោកពិបាករករបស់ញ៉ាំណាស់មែនទេ?

2017-12-19 19:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ធ្លាប់តែដឹងថាបឹងកេងកងជាតំបន់ដែលសម្បូររបស់ញ៉ាំមែនទេ? ប៉ុន្តែឥឡូវអ្នកនៅតំបន់ទួលគោកអស់បារម្ភហើយ ព្រោះថាមានហាងថ្មីបើកទៀតហើយគឺ Cups Food ដែលមានទីតាំងនៅផ្លូវលេខ ៣៣៧ (ផ្លូវបុរីសាន់វេ) ជិត TK Avenue ។ អ្នកដែលមានគ្នាច្រើនមិនពិបាកក្នុងការសម្រេចចិត្តទៀតនោះទេ។

នៅ Cups Food មានមុខម្ហូបជាច្រើន ប្លែកៗហើយមានរសជាតិឆ្ងាញ់ទៀតផង។ មិនតែប៉ុណ្ណោះនៅជាប់ Cups Food ក៏មានហាងកាហ្វេមួយឈ្មោះថា Cups Coffee សម្រាប់អ្នកដែលចូលចិត្តញ៉ាំកាហ្វេក៏អាចទៅសាកល្បងនៅទីនោះបានដែរ។ ទាំង Cups Food និង Cups Coffee មានទីកន្លែងធំទូលាយ បរិយាកាសស្ងប់ស្ងាត់ងាយស្រួលដល់សិស្សានុសិស្សដែលចូលចិត្តទៅធ្វើការងារសាលាជាក្រុម ឬក៏សម្រាប់អ្នកដែលចូលចិត្តបរិយាកាស ស្ងប់ស្ងាត់តែម្ដង។

នៅទីនោះមាន២ជាន់ដោយជាន់ផ្ទាល់ដីមានម៉ាស៊ីនត្រជាក់ ហើយអ្នកទាំងអស់គ្នាក៏អាចយកអាហារពី Cups Food មកពិសានៅខាងក្នុងហាងកាហ្វេបានផងដែរ។ សម្រាប់ជាន់ខាងលើវិញ អ្នកទាំងអស់គ្នាអាចអង្គុយ ស្រូបយកខ្យល់អាកាសធម្មជាតិដែលអាចជួយកាត់បន្ថយភាពតានតឹង និងធ្វើឲ្យអារម្មណ៍កាន់តែស្រស់ស្រាយ។

សម្រាប់អាហារ នៅ Cups Food និង Cups Coffee មានតម្លៃចាប់ពី ៤០០០ រៀល ដល់ ១៦០០០ រៀល។

តោះ! សាកមកមើលមុខម្ហូបមួយចំនួនដែល Sabay Der បានភ្លក់ជាមួយគ្នា!!

នេះជាបាយឆាក្ដាមអ្នកកំពតជាមួយនឹងទឹកត្រីជូរអែមដែលល្បីនៅខេត្តកំពតក៏មាននៅភ្នំពេញយើងដែរ។

សម្រាប់អ្នកដែលចូលចិត្តបុកល្ហុងវិញក៏អាចរកជាវបានដែរនៅ Cups Food ។ មានទាំងបុកល្ហុងបែបខ្មែរ និង បែបថៃ មានរសជាតិជូរហិរតាមចំណង់ចំណូលចិត្តរបស់អ្នក។

ដែលសាកមាន់ក្រឡុកនេះហើយឬនៅ? ស្រួយៗ ហិរៗ ញ៉ាំហើយចាប់មាត់ ចង់ញ៉ាំទៀតតែម្ដង!

ធ្លាប់សាក មីកូរ៉េ នេះពីមុនអត់ ? សម្រាប់អ្នកដែលចូលចិត្តរសជាតិជូរហិរអាចសាកភ្លក់ មីកូរ៉េ នេះបាន។

បាយទាខ្វៃនេះវិញ គឺ ឈ្ងុយខ្លាំងណាស់ហើយសាច់ក៏ផុយទៀត។ បើបានជ្រលក់ជាមួយទឹកជ្រលក់វិញគឺ កាន់តែឆ្ងាញ់។

នេះជាអាហារបែបថៃគឺគុយទាវទូក ជាមួយនឹងប្រហិតសាច់ជ្រូក ឆ្ងាញ់ជាប់ចិត្តតែម្ដង។

មិនមែនមានតែម្ហូបនោះទេ Cups Food ក៏មានជាបង្អែមសម្រាប់លាងមាត់ដែរ។ នេះគឺជាទឹកកកឈូសព្រិលជាមួយនឹងផ្លែគូលែនដែលមានរសជាតិផ្អែមល្មម ហើយបើសិនជាចូលចិត្តផ្អែមខ្លាំងអាចស្រូបទឹកដោះគោពីលើថែមទៀតក៏បាន។